Тәкъдим ителгән спектакльләр:
«Цацики идет в школу», «Суббота» Санкт-Петербург дәүләт театры. Режиссер – Юлия Каландаришвили.

«Шобага», Буа дәүләт драма театры. Режиссер – Тимур Кулов

Тәкъдим ителгән спектальләр:
«Алмачуар». Г.Тукай исемендәге Әтнә татар дәүләт драма театры. Режиссер – Айдар Җаббаров.

Тәкъдим ителгән спектальләр:
«Кроткая», Яр Чаллы дәүләт курчак театры. Режиссёр – Илгиз Зәйниев.

«Таң вакыты», Т.Миңнуллин исемендәге Түбән Кама татар дәүләт драма театры. Режиссер – Туфан Имаметдинов.

«Сиротливый запад», Акмулла (Акмолин) өлкә рус драма театры. Режиссер – Шамил Дыйкамбаев.

Тәкъдим ителгән спектальләр:
«Иваново детство», Казан дәүләт яшь тамашачы театры. Режиссер – Антон Федоров.

«Адәмнәр», Татар дәүләт «Әкият» курчак театры. Режиссер – Илгиз Зәйниев.

Тәкъдим ителгән спектальләр:
«Про моря и про маяк», режиссер – Марина Хомутова. «Про мальчиша», режиссёр – Лидия Клирикова. «Әкият» Татар дәүләт курчак театры.

«Хуш, авылым. Хыял», Г.Камал исемендәге Татар дәүләт Академия театры.
Режиссер – Айдар Җаббаров.

"Камыр батыр", Г.Кариев исемендәге Казан Татар дәүләт яшь тамашачы театры. Режиссер – Марфа Горвиц.

«Җинаять һәм җәза» спектаклен С.Өметбаев исемендәге Минзәлә татар дәүләт драма театры тәкъдим итте.

20 июнь Апас районында Театраль Сабантуй гөрләде. Театрыбыз унөченче тапкыр оештырылган бәйрәмдә республиканың башка дәүләт театры вәкилләре белән көч сынашты... Һәм сынатмады!
Безнең җиңүчеләребез:
Эстафета егетләр. Илназ Хәбибуллин @ilnazkhabib, Илсаф Нәҗипов @nazip_0ff, Эльдар Гатауллин, Искәндәр Вәлиев - 1 урын

Бию марафоны. Булат Гатауллин @bulat__gataullin һәм Алсу Шакирова @alsoush_shakapi - 1 урын
Көрәш 70 кг га кадәр категориядә. Илфат Гыйбадуллин @ilfat_gibadullin - 1 урын; Абсолют җиңүчене билгеләүдә - 2 урын

Капчык сугышы. Илфат Камалиев @ilfatkamaliev - 1 урын

Йомырка салынган кашык кабып йөгерү. Илсаф Нәҗипов @nazip_0ff - 1 урын

Таяк белән тартышу. Илдар Шәһимәрданов - 1 урын

Көянтә белән су ташу. Энҗе Яруллина @endjejarullina - 2 урын

Гер күтәрү. Илдус Мусин -2 урын

Көрәш 80 кг га кадәр категориядә. Илнар Низамиев @ilnarnizami - 3 урын
Көянтә белән су ташу. Илнар Низамиев- 3 урын

Капчыкта сикерү. Булат Гатауллин - 3 урын

Кариев театрының 33 нче сезонының:

иң актив яшь тамашачысы - Нәргизә Зәйнетдинова
иң актив тамашачысы – Нурия Гатауллина
иң актив гаиләсе - Илназ һәм Гөлнара Шәрәфиевләр
иң актив мәктәбе - Ш.Мәрҗәни исемендәге 2 нче татар гимназиясе
Кариев театрының 33 нче театраль сезонын социаль челтәрләрдә иң актив яктыртучы дип - "Сәхнә" журналы танылды.

Шулай ук, 33 нче театраль сезонның иң истәлекле вакыйгаларын яктыртуда ярдәм күрсәткәннәре өчен «Татарстан - Яңа Гасыр» телерадиокомпаниясе @tvtnv , «Шаян-ТВ» телеканалы @shaiantv һәм ДТРК «Татарстан» телеканалы @gtrk_tatarstan коллективлары рәхмәт хатлары белән бүләкләнде.

Театрыбызның баш режиссёры Ренат Әюпов һәм артистларыбыз Илфат Камалиев, Илфат Гыйбадуллин һәм Алсу Фәйзуллина "Габдулла Тукай тууна 135 ел тулу уңаеннан" дип исемләнгән истәлекле билгеләргә лаек булдылар.

Фестиваль кысаларында театрыбыз "Хикмәт әкиятләре" спектаклен тәкъдим итте. Спектакль Бердәм Россия партиясенең "Театр - балаларга" федераль проекты кысаларында Россия Федерациясе Хөкүмәте гранты ярдәмендә сәхнәләштерелә.

Күркәм традиция буенча, бүген бөр төркем татар зыялылары Казанның Яңа татар бистәсе зиратында Габдулла Кариевны искә алды. Әдәбият, сәнгать, дин әһелләре һәм якташлары Габдулла Кариев белән бәйле якты истәлекләрне хәтердә яңартты, аның рухына дога кылып, каберенә чәчәкләр салды.

7 нче апрель, Бөтендөнья сәламәтлек көнендә, безнең театрыбызда "Бердәм Россия" партиясенең Татарстан региональ бүлеге инициативасы белән "Ак чәчәкләр кебек…" спектакле күрсәтелде. Анда коронавируска каршы көрәшүгә зур өлешен керткән табиблар һәм волонтер-медиклар чакырылды. Әлеге чарада Татарстан Республикасының Дәүләт Советы рәисе, "Бердәм Россия" сәяси партиясенең Татарстан региональ бүлеге Секретаре Фәрит Мөхәммәтшин да катнашты.
Табибларга, шулай ук театрыбызның баш режиссеры һәм актерларына ТР Дәүләт Советы рәисенең һәм "Бердәм Россия" партиясенең региональ бүлегенең рәхмәт хатлары тапшырды.

«МИО, МИНЕМ МИО!» - «Балалар өчен иң яхшы спектакль номинациясендә Республика «Тантана» театраль премиясенә ия булды. Артистларыбыз, режиссер Екатерина Гороховскаяны һәм спектакльнең барлык иҗат төркемен лаеклы җиңүләре белән чын күңелдән котлыйбыз!
Шулай ук, яшь артистыбыз Булат Гатауллин Казан шәһәре Мэрының махсус бүләгенә лаек дип табылды!

"Ак чәчәкләр кебек…" спектакле премьерасы эзеннән...
Хатирәләрне яңартыйк

12 мартта Татарстанның үзешчән театраль коллективлары өчен иҗади лаборатория үткәрелде. Әлеге чарада Югары Ослан, Яшел Үзән, Питрәч, Саба, Биектау районнары һәм Казанның үзешчән театраль коллективлары катнашты. Без алар белән афишалар дизайны, бутафория, грим һәм башка бик күп кенә театр өлкәсенә караган тәҗрибәбез белән уртаклаштык.

12 декабрьдә Ренат Әюпов режиссерлыгында сәхнәгә куелган «Яратып туялмадым» премьерасы Татарстанның халык артисты Халидә Сөнгатуллинаның юбилеена багышланды. Спектакльдән соң Халидә Сөнгатуллинаны Татарстан мәдәният министры урынбасары Дамир Натфуллин һәм Казан шәһәре мәдәният идарәсе җитәкчесе Азат Абзалов котлап, рәхмәт хатларын тапшырдылар. Шулай ук, артистканы котларга Татарстан театрларыннан коллегалары да килгән иде.

1 декабрьдә тәнкыйтьчеләр һәм мөхтәрәм кунаклар катнашында "Һөнәр" фестиваленең тантаналы ачылышы булды. Чарада Татарстан Республикасының мәдәният министрының урынбасары Ленар Хакимҗанов катнашты.

11 ноябрьдә Мостай Кәримнең "Озын-озак балачак" спектакле алдыннан Ш.Мәрҗани исемендәге 2 нче татар гимназиясе укучылары өчен сәхнә теле буенча мобиль дәрес узды. Аны Татарстанның атказанган артисты, телевидение дикторы, алып баручы һәм укытучы Инсаф Абдулла үткәрде. Балалар дикция һәм интонацияне камилләштерү, сәхнәдә үз-үеңне тоту өстендә эшләделәр.

Кызыклы һәм файдалы дәрес өчен кунагыбызга зур рәхмәтебезне белдерәбез!

17-25 нче октябрь көннәрендә Чечня Республикасы башкаласы Грозныйда "Федерация" дип исемләнгән II Бөтенроссия милли театрлар фестивале узды. Шәһәрнең төрле мәйданчыкларында Россиянең 12 төбәгеннән 15 спектакль күрсәтелде.

Шул исәптән, 19 нчы октябрь М. Ю. Лермонтов исемендәге рус дәүләт драма театры сәхнәсендә безнең театрыбыз "Хикмәт әкиятләре" спектаклен тәкъдим итте.

25 нче сентябрь көнне Татарстанның атказанган артисты Гөлнара Абитованың юбилей кичәсе булып узды. Кичәдә «Мәхәббәт күгәрченнәре», «Ут чәчәге», «Гашыйк буласым килә», «Шәй-бу! Шай-бу!», «Корт» спектакльләреннән Гөлнара Абитова катнашында өзекләр күрсәтелде.

Гөлнара Абитовага «ТАССРның 100 еллыгы» дигән истәлекле медаль һәм Казан шәһәренең мәдәният өлкәсен үстерүгә өлеш керткәне һәм күп еллык намуслы хезмәте өчен Казан шәһәре башкарма комитеты мәдәният идарәсенең мактау грамотасы тапшырылды.