8 Октябрь / Пәнҗешәмбе / 18:30

«Ак пароход» – саф балачак дөньясының рәхимсез чынбарлык белән бәрелеше турындагы тетрәндергеч хикәя. Әсәрнең үзәгендә урман эчендә бабасы белән яшәүче җиде яшьлек малай язмышы ята. Әти-әни мәхәббәтеннән мәхрүм калган ялгыз бала үзенең хыялларында юаныч таба: ул әтисенең ак пароходта хезмәт итүенә һәм, көннәрдән беркөнне балыкка әйләнеп, әтисе янына йөзеп барачагына ышана.

Режиссер: Айдар Җаббаров
16+ / Пушкин картасы

9 Октябрь / Җомга / 18:30

Спектакльдә вакыйгалар бухгалтериядә - моңсу компьютерлар, документлар тутырылган тузанлы папкалар һәм отчет өемнәре фонында бара.
Ләкин шушы эчпошыргыч оешмада бердәнбер ир-ат – Рәхмәтулла пәйда булгач барысы да үзгәрә. Үзенең шат күңеллелеге һәм шәфкатьле холкы белән ул тиз арада ханымнарның бик кирәкле әңгәмәдәшенә, психологына һәм хәтта суфиларча зирәк остазына әверелә.

Режиссер: Ренат Әюпов
16+ / Пушкин картасы

10 Октябрь / Шимбә / 11:00

Кариев театры үзенең иң нәни тамашачыларын һәм аларның әти-әниләре, әби-бабайларын тылсымлы дөньяга – Хәрефләр иленә чакыра. Ә кайда соң ул ил, диярсез. Кайда-кайда... Хәрефләр кайда була ала инде?! Билгеле, «Әлифба»да!
Тик менә бәла – без аларны торган саен азрак кулланганга үпкәләп, хәрефләр «Әлифба»ны ташлап качып киткән. Димәк, кичекмәстән, эзли чыгарга кирәк! Юкса бөтенләй адашып югалулары бар...

Режиссер: Лилия Әхмәҗанова
3+ / Пушкин картасы

10 Октябрь / Шимбә / 17:00

Гадел Кутуй... Тапшырыл...ган хатлар... Сәхнәдә өч Галия... Дүрт хат... Ә Искәндәр? Без аны Галия бәяне аша гына беләбез түгелме? Нәкъ шушы билгесезлек спектакльюнәлешен билгели дә. Чишелеш нидән гыйбарәт, Галия һәм Искәндәр уртак тел табармы?..

Режиссер: Илгиз Зәйниев
12+ / Пушкин картасы

11 Октябрь / Якшәмбе / 17:00

Спектакль – легендар фильм "Любовь и голуби"ның театральләштерелгән варианты. Төп герой – Васил хатыны Надия һәм өч баласы белән яши. Надия иренең күгәрченнәр үрчетүен акчаны суга салу дип карый. Көннәрнең берендә Васил эш урынында җәрәхәтләнә һәм аңа диңгез буена юллама бирәләр. Ул анда Рәйсә исемле ханымга гашыйк була һәм нәтиҗәдә диңгез буеннан аның янына кайта. Бу хәбәрне гаилә бик авыр кабул итә. Әмма Васил һәм аның гаиләсе өчен яңа сынаулар башлана гына әле...

Режиссер: Ренат Әюпов
16+ / Пушкин картасы

13 Октябрь / Сишәмбе / 18:30

Бер кызның мәхәббәте өчен берничә егетнең көч сынашуы - барыбыз өчен дә гадәти күренешкә әйләнде кебек... Ә менә бер кияү өчен 4 кәләшнең ярышканын күргәнегез бармы? Башка сыймаслык хәл! Кариев театры сәхнәсе бу көнне чын стрим мәйданына әверәләчәк. Чынбарлыкмы әллә уенмы? Мәхәббәт хакына геройлар нинди сынаулар аша үтәргә әзер? Экраннарга якынрак килегез. Шоу тиздән башлана!

Режиссер: Ренат Әюпов
12+ / Пушкин картасы

15 Октябрь / Пәнҗешәмбе / 18:30

Гади генә бер әкият үз эченә күпме наз, мәхәббәт һәм әрнү сыйдыра ала икән? Тугыз яшьлек Рөстәм, тылсымлы абага чәчәге ашап, күзгә күренмәс хәлгә килә һәм дөньяда тәртип урнаштыра алырдай бердәнбер Кешене эзләп фронтка китә. Әмма афәт эчендә калган баланың йөрәгендә тәртип урнаша алырмы? Максатына ирешерме ул?
«Рөстәм маҗаралары» — үткәндә булган хәлләр өчен башкаларны да, үзебезне дә кичерә алу, хушлаша белү турындагы тарих. Кайчак тормышны яңадан үз җаена кайтара алырдай кешеләр күләгәдә кала. Һәм без аларның чынлыкта нинди көчкә ия икәне турында уйламыйбыз да…

Режиссер: Тимур Кулов
12+ / Пушкин картасы

16 Октябрь / Җомга / 18:30

Габдулла Кариев әсәре буенча куелган «Артист» комедиясе – шул чорда төрле авырлыклар кичеп, ачлы-туклы ижат итүче артистларның яшәешен, көнкүрешен чагылдырган документаль әсәр. Спектакль 19 гасырның реаль вакыйгаларына нигезләнгән, анда татар театрының тууы турында бәян ителә. Сәхипҗамал Гыйззәтуллина-Волжская яшь таланлы артистлар белән «Сәйяр» труппасыннан китә. Труппа таркала! Кая барырга? Ләкин Кариев белән Сакмарский югалып калмыйлар...


Режиссер: Ренат Әюпов
12+ / Пушкинская карта

17 Октябрь / Шимбә / 17:00

«Тынлык» спектакле бөек татар композиторы Салих Сәйдәшевнең 125 еллыгына багышлана.
...1949 елда Ташкент шәһәренең танылган пианисткасы яраткан музыка уен коралын мәңгегә йозакка бикләп, туганнарының да аңа кагылуын тыя. Күп еллар узгач, Азиза әбисе Гөләндәмнең йортында аның яшьлек хатирәләрен саклаучы көндәлегенә юлыга. Хәзер кызга үткәннәр төеннәрен чишеп, серле вакыйгалар йомгагын сүтәргә туры киләчәк. Иртәме-соңмы, теләсә нинди сер ачылачак, вәгъдәләр ‒ үтәләчәк, ә тынлыкка нокта куелачак. Әмма дөреслекнең күзенә карарга геройларның батырлыгы җитәрме?

Режиссер: Виктория Печерникова
16+/ Пушкин картасы

18 Октябрь / Якшәмбе / 17:00

Габдулла Тукай исемендәге Әтнә татар дәүләт драма театры

Авыл бетеп бара. Биредә хатын-кызлар һәм бердәнбер ир-ат Мәннан гына яши. Көннәрдән-бер көнне Мәннанга да инсульт булып, телсез-авызсыз кала. Үлем түшәгендә яткан Мәннан орден дигән бер сүз генә әйтә ала. Мәннәнның авырганын ишеткәч, кайчандыр аннан ярдәм, игелек күргән хатыннар, аны ничек тә аякка бастыру теләге белән орден эзләргә керешәләр. Шушы вакыйгалар арасында авылның, аның кешеләренең борчу-мәшәкатьләре калкып чыга. Көлкеле күренешләр белән тулы булса да, спектакль татар авылының проблемалары, аның киләчәге турында уйларга мәҗбүр итә.

Режиссер: Рамил Фазлыев
12+ / Пушкин картасы

23 Октябрь / Җомга / 18:30

«Ак пароход» – саф балачак дөньясының рәхимсез чынбарлык белән бәрелеше турындагы тетрәндергеч хикәя. Әсәрнең үзәгендә урман эчендә бабасы белән яшәүче җиде яшьлек малай язмышы ята. Әти-әни мәхәббәтеннән мәхрүм калган ялгыз бала үзенең хыялларында юаныч таба: ул әтисенең ак пароходта хезмәт итүенә һәм, көннәрдән беркөнне балыкка әйләнеп, әтисе янына йөзеп барачагына ышана.

Режиссер: Айдар Җаббаров
16+ / Пушкин картасы

24 Октябрь / Шимбә / 17:00

Гөлстан яшь Гөлчәчәк белән әбиләр кулында. Алар бергәләшеп бал кортлары асрыйлар, мул уңыш җыеп, ел саен Бал ярминкәсендә катнашалар. Бик күңелле гомер итәләр. Ләкин көннәрнең берендә тынычлык югала: бай инвестор Гөлстан аланын сатып алып, анда пластик хирургия клиникасы төзергә хыяллана.

Режиссер: Ренат Әюпов
16+ / Пушкинская карта

25 Октябрь / Якшәмбе / 17:00

Комедия ялгыз Хәйдәр белән авылдашларының мәзәк һәм мәгънәсез низаглары турында сөйли. Колорадо коңгызына ничек каршы торырга белмәгән халык Хәйдәрнең ямь-яшел бакчасыннын көнләшә. Аның сере нидә? Спектакль сатира ярдәмендә кешенең шәхси бәхете, иреге, хокукы, халыкның рәхимсез булуы турында җитди уйлануларга этәрә. 

Режиссер: Ренат Әюпов
16+ / Пушкин картасы

28 Октябрь / Чәршәмбе / 18:30

Мәңгелек мәхәббәт һәм бәхетле озын гомер турында кемнәр генә хыялланмый икән? Ләкин күпвакыт бәхетле булыр өчен, кешегә авырлыклар аша узарга туры килә. «Шайтан һәм аның кызы» татар халык әкияте мәхәббәтнең явызлыкны җиңә алырдай тылсымлы көче турында. Сүз бирәбез, куркыныч... һәм мавыктыргыч булачак!

Режиссер: Булат Гатауллин
12+ / Пушкин картасы

29 Октябрь / Пәнҗешәмбе / 13:00

Мәңгелек мәхәббәт һәм бәхетле озын гомер турында кемнәр генә хыялланмый икән? Ләкин күпвакыт бәхетле булыр өчен, кешегә авырлыклар аша узарга туры килә. «Шайтан һәм аның кызы» татар халык әкияте мәхәббәтнең явызлыкны җиңә алырдай тылсымлы көче турында. Сүз бирәбез, куркыныч... һәм мавыктыргыч булачак!

Режиссер: Булат Гатауллин
12+ / Пушкин картасы

31 Октябрь / Шимбә / 17:00

Син төзегән театрда башка кешеләр уйнар, килер шундый көн – хәтта исемеңне дә онытырлар. Ә хыял калачак. Син киткәч тә, утлар кабынып, пәрдә ачылса, сәхнәгә чыгып кемдер үз сүзен әйтә алса, димәк, юкка яшәмәгәнсең.
Габдулла Кариев исемендәге Татар дәүләт яшь тамашачы театрына нигез салучы режиссер Фарит Хәбибуллин язмышы белән рухландырылган спектакль.

Режиссер: Булат Гатауллин
16+ / Пушкин картасы