Фикерләр
Мин яңа, күңелгә кереп кала торган образлар яратам. Төп рольдәге герой һәрвакыт идеаль булырга тиеш (минем өчен). Бигрәк тә балалар өчен куелган спектакльдә. Йомрыбаш - идеаль гына түгел, чын! үзе! Ул - аутист. Сез аутист кешеләргә хас сыйфатларны беләсездер. Алар бик үзенчәлекле, үзләренчә яшәргә омтылган кешеләр.
Гадәттә, аутист булып малайлар туа. Кичәге Йомрыбаш та шул дөньядан. Әнисе үлгәч, әтисе интернатка илтеп куйган. Ләкин энесе Клебер аны кызганып, үз тәрбиясендә үстерә. Барнабе, ягъни аутист малай 22 яшьлек үсмер булса да, акылы өч яшьлек балаларныкы кебек. Ул спектакль барышында яхшы сизелде. Ләкин бик авыр кабул ителде. Шәхсән үзем кайбер урыннарында калтыранып утырдым. Йомрыбаш һаман саен нидер майтара, җимерә, вата, боза...

Спектакль азагына кадәр сулыш алып булмый, урындыкка тотынасың да, «Аннары...» - дип нидер көтәсең. Ләкин вакыйга башка юнәлеш ала. Барнабеның Месье Крокроль исемле уенчык куянына гашыйк булдым. @ilnarnizami чын куян итеп уйный белә! Кечкенә чакта әтиемә шундый куян алдырткан идем, әллә шуңамы - яраттым Месьены. Әфәрин Илнар абый! Ә Йомрыбаш ролен - Дилүс Хәкимҗанов уйнады. Юк, уйнамады - ул сәхнәдә яшәде! Менә ул идеаль герой! Аутист баланы шул хәтле җиренә җиткереп уйнавыңа сокланам, Дилүс! Уңышлар

Динар Низамиев - Йомрыбашның энесе Клебер ролендә. Чын туган җанлы кеше. Абыйсын интернатка бирмәс өчен барысын да эшләргә әзер. Әфәрин, дустым

Булат Гатауллинның көлүе ошады! (гафу) Ясалма түгел, чын үзенчә итеп көлде. Ә аннары... Сиңа яшел төс килешә🤗

Эльдар Гатауллин барлык кызларның башын әйләндерүче егет инде ул😀 Спектакльдә дә аңа романтик егет роле күбрәк туры килә. Үзе ошаткан кызга телефон аша роза җибәрүе генә ни тора бит🤭 Башлыгың матур иде ❤
Аннары Рузанна Хәбибуллина исемдә калган. Ул тыйнак Захра ролендә. Үзе әйтмешли, бу роль аны башка яктан ачты,чөнки Рузаннаны актив кыз ролендә күреп ияләнгән. Син булдырдың, җанкай🔥

Халидә апа Сөнгатуллина социаль яклау хезмәткәре ролендә. Бер дә картаймый, шундый яшь! ❤ Нуриәхмәт абый Сафинның ахырдагы биюенә гашыйк булдым 💞

Кыскасы, рәхмәт сиңа, Кариев театрым! Тәҗрибәң, яңа сулыш, шәп спектакльләрең өчен! Премьераң белән 🎭 @teatr_g.karieva
Яратам❤
Рәфидә Галимҗанова
Булгач булсын инде дидем дэ,кичэ Кариев театрына @teatr_g.karieva премьерага бардым!!

"Йомрыбаш" спектакленен премьерасы булды!! Олкэннэр очен дэ, яшусмерлэр очен дэ менэ дигэн спектакль булган бу!! Барган саен шушы театрнын унышларына соенеп кайтам!! Анда эшлэгэн артистларга сокланам! Мин бит инде аларга куптэннэн йорим.Белсэгез Иде алар Киров районында булганда нинди шартларда эшлэгэннэрен!!!!!ярымжимерек бина,салкын гримеркалар,эллэ кайда, подвалда

....Шундый коточкыч шартларда да эшлэп ижат итуче,театрны,уз эшлэрен яратучы чын энтузиастлар эшли монда!!Шуна да хормэт итэм мин анда эшлэгэн хэрбер артистны Инде менэ нихаять аларнын уз биналары бар,артистларга яхшы,жылы гримеркалар,берсеннэн - берсе яхшы спектакльлэр куела! Кичэге спектакль аларны тагын Бер баскычка кутэрде!! Чын мэгьнэсендэ - Яшьлэр театры бу!!!Заманча! Яшьлэрчэ!
Лэкин балалар, яшусмерлэр очен генэ дип уйлый курмэгез мондагы спектакльлэрне!! Олкэннэр очен дэ менэ дигэн спектакльлэр курсэтелэ ,мэсэлэн ,,Кичер мине,энкэй",,Нигез ташлары",,Мэхэббэт кугэрченнэре",,Галиябану"( вот ошый бу постановка мина) ,, Шайбу,Шай-бу",,Ут чэчэге" ( минем дэ 2 жырым янгырый бу спектакльдэ),,Суперкияу",,Кэжул читек",,Артист" ,ооооо саный китсэээээн...

Эле минем яратып карый торган ,,Король Лир" ,,Умырзая" ,,Ир- егет,чибэркэй Хэм тэрэзэ " бар иде!! Эни БИК ярата Иде аларны!!! Ул гомумэн театрнын баш режиссеры Ренат Аюпов @renataupov52 куйган спектакльлэрне ярата Иде,гел мина мактый Иде.Чонки ул узе режиссер булгач ( Эни- Халит Кумысниковнын укучысы),режиссер кузлегеннэн чыгып карагандыр инде.Хэтерлим,,Алхимикны" телевизордан карагач,биииик сокланып ,хэрбер куренешне мина башыннан ахырында кадэр сойлэп чыккан Иде,,менэ монда шулай,монда болай иткэн" дип!)
Мин чын кунелдэн премьера белэн котлыйм сезне ,кариевлылар!!! Яна унышлар,Яна премьералар белэн куандырырга язсын!!
БИК шат сезнен очен!!
- Син бит әле кечкенә!
- Ә кайчан мин зур усәм?
- Син мәңгегә кечкенә булып калачаксың, Йомрыбаш..."
.
Кичә кызлар белән Г.Кариев @teatr_g.karieva театрына барып, "Йомрыбаш" спектакленең премьерасын күреп кайту бәхетенә ирештек әле Ярый әле барганмын, минәйтәм... Соңгы арада театрларга еш йөрергә туры килә - чаралары да, темалары да кызыклы һәм җәмгыять өчен бик кирәкле. Ләкин бу постановка мине берничек тә битараф калдыра алмады, күңелемә утеп керде. Бик заманча эшләнелгән әйбер!

Темасы да бик мөһим аның - узенчәлеккә ия булган балалар белән аралашуның кыенлыклары. Ә инде декорацияләр, спецэффектлар, костюмнар, музыка турында әйтеп торасы да юк -

Тамаша залында утырганда, сулышымны да алмыйча, артистлар белән бергә хис иттем үземне: геройлар өчен борчыласың, кызыклы моментларда аларга кушылып көләсең, түземсезлек белән гашыйкларның бергә калуын көтәсең...

Серегезне ачыгыз әле, сәхнәдә ничек шулай уйнап була ул? Сез бит уйнамыйсыз, сез - һәрбер сүзегез, хәрәкәтегез белән яшисез сәхнәдә! Клеберның зәгыйфьләр интернатының хезмәткәре белән сөйләшеп утырган вакытта, арткы планда торган Рузанна Хәбибуллинаның @_ruzanna_kh уйнавын күзәтәм: аңын йөзендә ясалма булмаган хис, ул чынлап Йомрыбаш язмышы өчен борчыла.. 20 яшькә җитсәм дә, спектакльдә мине дә бераз куркытып алган момент булды әдеУл Ильнар абый Низамиев @ilnarnizami образына бәйле. Холодильниктан кролик чыгар дип уема да килмәгән иде, берничек тә көтелмәгән вакытта килеп чыкты бу! 😂🙊

Ә Булат Гатауллин @bulat__gataullin герое "Йомрыбашта" иң яраткан образларымның берсе булды, бугай. .
Күптәннән болай өйгә соң кайтып ихластан төне буе материал язып утырганымны хәтерләмим дә инде. Сез дә укып чыгыгыз, ссылканы профильнең "шапкасында" калдырам.
.
Театрның бөтен коллективына бик зур рәхмәт һәм тагын бер тапкыр премьера белән сезне!
Камилә Захарова

Кариевта нинди кызлар кияүгә чыга алмый һәм чыкса да тора алмый, ә нинди шартларда чыга һәм тора дигән галәмәт актуаль спектакль куйганнар.
Кариев театрыдагы "Тапшырыл...ган хатлар" - искиткеч спектакль. Бөтен кешегә дә билгеле, бу сүзне язганга нык каты итеп сүкмәгез, классик, сандыктагы әсәрдән заманча һәм тирән психологик әсәр тудырганнар.
Спектакльдә татар театрына хас күренеш - пафос юк. Уйныйлар. Тешкә берни сыланмый. Рәхәт.
Театрда бөтенләй башка төрле атмосфера тудыра алганнар. Бу Камалны тәнкыйтьләп әйтү түгел, әмма бу элеккечә Камалның начар варианттагы копиясе түгел. Яхшы. Алайса бер театрга барып карыйсың, икенчесенә - үз йөзләре юк. Ә монда үз йөзләре бар. Караңгы-шомлы атмосфера. Гаиләсе җимерелгән Галиянең йорты һәм күңеле кеби.
Спектакльдә Гадел Кутуй язган "Тапшырылмаган хатлар" заманында да, хәзер дә актуаль тема күтәрелгән. Хатын-кызның кияүгә чыгуы һәм кияүдә яшәве. "Чыгуы була ул, торып кара", ди бит әбиләр. Менә Галия дә бит инде тора алмаган. Әсәрдә ул җүнсез татар иренә каршы торган шәп хатын итеп бирелә. Шулай укытыла да иде. Мәктәптә шулай укыдык инде, студент булган вакытта аягында нык басып торган курсташ кызларның Галияне сүгә башлаганын ишетеп гаҗәпләнгән идем. Борын юешрәк бит инде ул заманда, ә кызлар алгарак китеп карый белгән. "Нәгаләт калганмы инде ул Галиягә, акча эшләгән ире, өйдә тор дигән, балалары булган көе урамда җил куып йөргән коллективтан калмыйм дип, коллективы коргыры", - дип сүккәннәр иде.
Менә шул, Илгиз Зәйни хатын-кызга кияүгә чыгарга һәм кияүдә торырга комачаулаган әйберне күрсәткән. Мин аларны шартлы рәвештә "таракашки" дип атыйм. Һәркемнең дә таракашкалары бар. Аларның күләме тиешледән артып китсә, әйбәт түгел. Хатын-кызны сүгеп утыра дип гаепләмәгез, бу спектакльдә сүз хатын-кыз таракашкалары турында, шуңа алар турында язам да.
Спектакльдә Галиянең өч таракашкасы күрсәтелгән.
Хатларны Галия язган, "гадәти" спектакль булса, аны хатын-кыз укыр иде дә матур итеп. Бу спектакльдә аны ир кеше укый. Галиянең карьеристка, мин беренче дип омтылып яшәгән кыз икәнен күрсәтә. Ә аның ире ролендә хатын-кыз. Бу аның иренең бераз хатынша булуын, шул ук вакытта әлеге дә баягы Галиянең беренчелеккә омтылуын күрсәтә. Күпчелек ирләргә җитәкче рухлы хатын-кыз белән яшәве кыен, шуңа да Искәндәр гаиләсен ташлап чыгып китә.
Спектакльдә тормыш мәшәкатьләре, Галиянең шул тормышта үрмәләүләре урындыклар белән күрсәтелгән. Бихисап күп урындыклар, шулар арасында дөбер-шатыр яшиләр, урындык аяклары арасыннан үрмәлиләр. Кыямәт, кыскасы. Яшь гаиләгә болай да кыен була, шул вакыттагы тормыш авырлыклары искә төшә дә тәннәр кымырҗып китә. Ай-яй.
Шул урындыклар арасында карьеристка Галия һәм аның тагын ике тараканы - хыялындагы ире һәм хыялый Галия өчесе әвәрә килеп яшәп ята. Мондый тормыш авырлыклары һәм мондый буталчык хатын янында Искәндәр кебек ир чыдамый инде... Мондый хатынга яки бик көчле - хатынын тотып тора торган яки бик бозау - хатынына буйсынып яшәгән ир кирәк. Монда башка мөнәсәбәтләр була алмый.
Спектакльнең азагында Галия иллюзияләреннән котыла бара. Котылмый кая барсын - ике балаң бар җилкәңдә, яшисе бар бит. Таракашкалардан котылгач, тормышы да рәтләнә - урындыклар да, шуны исбатлап, тәртип белән тезелә. Шуңа да хатларын чын хатын-кыз - үзе укый башлый. Тараканнары якты ишектән чыгып югала - шул ишектән чын ир - Вәли килеп керә. Таракашкаларны Вәли куып чыгарганмы, әллә инде таракашкалар киткәч чын ир табылганмы? Анысы әйтеп бетерелми. Әмма факт шул - Галия җиргә төшә. Ә җирдә исә кеше парлы булып яралган. Бетте-китте спектакль. Аз булды, мәгънәле булды.
Минемчә, бу "ничек кияүгә чыгарга һәм кияүгә чыккач ир белән яшәргә" дигән инструкция.
Спектакль азагында уйнаучыларны - алар нибары дүртәү! матур итеп тәкъдим иттеләр. Спектакльгә өлеш керткән һәр кешене мактадылар, тәкъдим иттеләр. Куючыларга да бик күңелле, тамашачыга да рәхәт.
Булдырган Кариев театры, Илгиз Зәйниев. Композитор Миләүшә Хәйруллина да молодец. Нурбәк шәп итеп биюләрне куйган. Аларны карагач, бер бабайның Ламбаданы күргәч әйткән сүзләре искә төшә. Ул бабай әйткән ди озак кына карап торгач: "Никадәр генә тырышсалар да, чишенмәсәләр, барыбер берни дә килеп чыкмый болардан", - дип. Монда да биюләр шундый нык рухландыргычский килеп чыккан. Әмма мондый әйбер Нурбәкне бизәп кенә тора.
Галия һәм аның таракашкалары - ике Алсу һәм бер Назлыгөл - гөлләр кебек уйныйлар. Вәлине әйтәсе дә юк.
Кыскасы, шәп Кариев театры.

#театркариева #татартеатры #кариевтеатры #тапшырылмаганхатлар#тапшырылганхатлар
Башкортстанда Татарстан көннәре дәвам итә.
Әле Уфабызда Габдулла Кариев исемендәге Казан дәүләт яшь тамашачы театры гастрольләре гөрләп узды.
Кичә "2 нче Татар якшәмбе мәктәбе"нең кечкенә укучылары "Куян Эдвардның гаҗәеп сәяхәте" спектаклен карады.
Казан кунакларын иртәнге һәм кичке спектакль арасында Уфабыз буйлап сәяхәт кылдыру бәхете дә тиде безгә.
Артистлар "Нур" театры каршында куелган Габдулла Тукай һәйкәлен күрделәр, Уфаның тарихи Тукай урамы буйлап, Ризаэтдин Фәхретдин, Мөхлисә Бубый, Мәрьям Солтанова-Акчурина эзләрен саклаган юллар аша үттеләр. Тукай һәм Гафури күрешкән урыннар белән таныштылар, Гафуриның җирләнгән урынын күрделәр.
Салават Юлаев һәйкәле урнашкан калкулыктан ямьле Агыйдел буйларын күзәттеләр.
Үзәккә барган юлда кыскача Уфа тарихы белән таныштылар.
Театр труппасына Башкортстан гастрольләрендә уңышлар теләп калабыз!
"Бүген шәхси рекорд куйдым: бер көн эчендә Габдулла Кариев исемендәге Казан татар дәүләт яшь тамашачы театрының өч спектаклен карадым :"Кәҗүл читек", "Ләйлә вә Мәҗнүн", "Без шундый театр төзербез..." Өчесе - өч дөнья... Әмма һәрберсе үзенә тартып ала да, сине сәнгати чаралар ярдәмендә әсир итә. Уйландыра, моңландыра, елата һәм елмайта..."
Габдулла Кариев исемендәге Казан татар дәүләт яшь тамашачы театрының талантлы артистлары тарафыннан күрсәтелгән "Шәй-бү! Шай-бу!" комедиясен (авторы Камил Кәримов, режиссеры - Ренат Әюпов) карадык. Бүгенге көннең актуаль моментлары булган - җир бүлү, җиргә хуҗа булу, җирне файдалы итеп куллану сораулары күтәрелде. Сәхнәдән "Инвестор да кеше", дигән мәгънәле реплика яңгырады. Нинди генә яхшы булсалар да, читтән килгән инвесторлар җирләрне алып бетермәсен иде, үзебез дә хуҗа булып, тиешле дәрәҗәдә файдалы итеп кулланырга язсын иде. Үзара татулык, бердәмлек, ярдәмчеллек шулай ук замананың матур сыйфатлары булып алга чыгарылды. Әйе, бүген син чын күңелдән ярдәм кулын сузып, елмаеп торсаң, сине аңлап җиткермәскә дә мөмкиннәр, "иске замана кешесе" дә диярләр бәлки, ләкин барыбер бу сыйфатлар безнең халыкның күбесенә хас һәм геннарга бик тирән кереп урнашкан.
Спектакль бер тында каралды, бик күп моментлар чын күңелдән көлдерде, хуш килде: әбиләрнең хоккей уйнаулары (кәкре аяклы әбекәй бигрәк тә ошады), Энҗамалның –силиконнан эшләнгән Анжеланың кыланышлары, акчага сатылган Рәиснең тырышулары, боссның кинәт немецча кызып-кызып сөйләп китүе, яшьләрнең замана "чирләрен" күрсәтү: сагыз чәйнәү, телефонга ябышу, җиңел генә акча эшләү.... Залда Уфаның театр сөючеләре генә җыелган иде төсле, көлеп, алкышларга күмеп утырдылар.
@sagitgr @teatr_g.karieva
Шулай матур итеп гастрольләр белән килүегезгә рәхмәт!
Бар тамашаларны да карадык, артистлар һәм театр репертуары белән якыннан таныштык, туган җанлы күп танышлар белән күрештек, аралаштык.
Изге матур сәфәрләр сезгә, киләсе матур очрашуларга кадәр:)

P.S. Шаран һәм Туймазыдагы дуслар, бүген-иртәгә Кариев театры сезләрдә:)
#театрелы#театрлар#яшьләртеатпы#кариевтеатры#афиша#спектакль#
премьера
#артист
Башкортстанда Татарстан көннәре дәвам итә.

Инде атна буе ялсыз чабуга, хәлдән таеп аруга карамастан, кырык якка ярылып яткан эшне читкә куеп, энергия табып, Габдулла Кариев исемендәге Казан дәүләт яшь тамашачы театры труппасына @teatr_g.karieva Уфа буйлап экскурсия ясый алуыма, искиткеч артистлар белән танышып, бер көнгә театр дөньясына чумуыма бик шатмын.
Казан кунаклары Уфабызны яратты, урамнарның чиста-пөхтә булуын берничә тапкыр комплимент буларак әйтте, паркларның күп, урамнарның киң булуына гаҗәпләнде.
Кич түземсезләнеп көткән "Шәй-бү! Шай-бу" спектаклен карап, мин артистларның ничек образларга керә алуларына сокланып утырдым. @nurbakbatulla куйган хореография бик ошады.
Гүзәл @sagitgr, шәхсән сиңа, күркәм коллективыгызга Башкортстан гастрольләрендә уңышлар теләп калам! Иҗади уңышлар сезгә!
Афәрин!!!
#днитатарстанавбашкортостане #театркариева #кариевтеатры #уфа #казан#тугантел #театр #твш2 #татарыуфы #татарскаяшколауфа #elvira1010
Ерактан алып, бүгенге көнгә сәлам биргән кебек башлыйм әле. Хәтеремдә 2013 елнын февраль ае...Казанга минем яраткан Әлмәт театры гастроль белән килгән иде... Минем студент вакыт ....Үлеп гашыйк булдым мин ул театрга... җибәрәсе килмәде...ул вакытта әле аларның минем эшләячәк театрым, минем хезмәттәшләрем булачаклары уемда да юк иде! Яратам мин сине! Гастрольләренең соңгы көне концерт-тамаша белән төгәлләнде...Ә мин елак, 30 минутлык юлны, елый-елый 1 сәгатьтән артык кайттым... Ул хис-кичерешне аңлата да алмыйм мин.
Ә менә кичә һәм бүген бездә кунакта Кариев театры. Кичә "Кәҗүл читек" спектаклен карап бер сөенсәм, бүген "Куян Эдвардның гаҗәеп сәяхәте"н карап гаҗәпләндем!!! Афәрин, дусларым!!!

1 сәгать тә 20 минут барган әкиятне бер сулышта карап чыктык Сәйдәш Айратович белән. Ә кич "Мәхәббәт күгәрченнәре"н гөрләттек. Ииииййй, рәхәт тә соң сезнен белән, тагын бер-ике көн нигә тормыйсыз икән дә, матур спектакльләрегезне күрсәтмисез икән! Менә хәзер дә минем эчемдә хисләр бураны, бер рәхәтләнеп елыйсы да, шаркылдап көләсе дә килгән кебек. Дөрес түгел кеше кебек. Рәхмәтемнен чиксезе Сезгә! Кабат күрешүләр насыйп булсын! Гөлназ Галимуллина чиныйсы килә бит минем! "Морҗадан артың белән чыксаң да таныйм мин сине", чөнки син алыштыргысыз, эчкерсез, чибәәәр, Дустым минем! Рузанна Хәбибуллина төн җитсә дә батмый торган Кояш! Гел дә шулай балкы, яме! Иностранец белән гел янәшә булыгыз!
#кариевтеатры #театркариева #татарскийтюз

Әминәмне күптән @teatr_g.karieva алып киләсе идем, ул көн дә җитте. Игьтибар белән карап утырды балам. Башта кәҗә бәтиләре өчен, аннан соң бүре өчен бик борчылды инде. Авыртмадымы икән, әни, бурегә сугалар бит кәҗәләр, ди. Буренең хәлен белергә дип, сәхнә янына килгәч, Фотога төшү дә насыйп булды узенә. Әни, буре бит @ilnarnizami бер дә усал түгел, кыланган гына икән,ди сабыем. Рәхмәт сезгә, исән-сау эшләгез!
Буген иииң беренче тапкыр улым белән Театрга бардык бит әле. Юл буе «нәнә, бу театр, бу театр???» дип һәр бинаны сорап барды)))) « Монда бәбияяяяял бик куп икшн» дип шатланып та куйды☺Бииик кызыксынып карап утырды👍Димәк -йөриячәкбез. Бииик зур рәхмәт дустым @ilnarnizami -ул да булса «усал буре»гә😃 һәм бик матур тамаша өчен @teatr_g.karieva театрына
Всем незамужним слушать обязательножизненная песня.
Акый күзле булса да, ачы сүзле булса да,Бераз ахмак булса да, бераз аксак булса да, бераз усал булса да -нинди бар шундый җиткән @teatr_g.karieva көлдеррдегез!))
Яңа ел бәйрәмнәрендә өйдә генә утырасы килми шул, бигрәк тә балаларның))
Шуңа да ничәнче көн рәттән чыршы бәйрәмнәренә йөрибез. Бүген дә @teatr_g.karieva театрында искиткеч матур, шундый куңелле яңа ел тамашасында балалар рәхәтләнеп биеп, җырлап, шигырь сөйләп Кыш бабайдан бүләкләр алдылар! Аннары бик тә эчтәлекле, матур, мәгънәле "Асылкош җыры" дип аталган спектакль карарга кердек. Артистларның уйнавы, костюмнары балаларга гына түгел үземә дә бик ошады!
Шунысын да әйтеп үтәсем килә, яңа ел тамашасы 2 телдә дә алып барыла
Г.Кариев исемендәге яшь тамашачы театрында узган Яңа ел тамашасы бигрәкләр дә күңелебезгә хуш килде. Беренчедән,Кыш бабай һәм Кар кызы, һ.б лар катнашында Татар телендә алып барылучы, балалар өчен Яңа ел бәйрәме мизгелләре ошаса, икенчедән, саф татарча булган, мәгьнәле, талантлы актерлар катнашында куелган сәхнә спектаклен рәхәтләнеп карадык.Кариев театры чыннан да горурланырлык! Рәхмәт аларга!
Ышанырга кирәк, бары ышанырга!

Минем өчен быел Яңа ел могҗизасы гадәттәгедән иртәрәк башланды. Әйе, могҗизасы. Видеоларны карасагыз, ни турында әйткәнемне аңларсыз дип ышанам. Мин бу спектакльгә гашыйк. Мин бу артистларны яратам. Мин кариевлыларга @teatr_g.karieva сокланам. Яңа ел кәефен тудыруыгыз өчен, йөрәктәге кечкенә Гөлүс'каның күңелен күрүегез өчен рәхмәт! Барыгызга да тамашада булырга, «Асылкош җыры»н тыңларга киңәш итәм!
Бүген беренче тапкыр Кариев театрында узган Чыршы бәйрәмендә булдык.
Балаларга да, безгә дә бик ошады.
Үзем аерып тагы берничә "+"ны әйтәсем килә:
Чыршы тирәли оештырылган бәйрәмдә шигырь сөйләп, Кыш бабайдан бүләк алып була
Әкияти геройлар белән фотога төшү мөмкинлеге бар
Шул ук вакытта профессиональ фотограф та фотога төшерә, ул төшергән фотоларны һәм магнитларны тамашадан соң сатып алырга мөмкин
Спектакльне беренче рәттән карадык, минемчә, иң шәп урыннар шунда
Әкият күңелле булды, балалар башыннан ахырына кадәр тын да алмый карады. Сәйдә бигрәк тә тәэсирләнде
Костюмнар супер
Һәм тагы бер плюс БУФЕТ
Тамашадан соң рәхәтләнеп өчпочмак-пәрәмәчләр белән сыйландык
Кариев театрының 30 еллык юбилее! Бик матур булды! Яшьләрчә! Дәртле! Заманча!
Утырганда күңелгә шушы шигырь юллары килде:
Мин бит беләм,
барган саен
Күңелне уятырын,
Күңелләрне уятырын,
Хисләрне уйнатырын,
Хисләремне уйнатырын,
Уйларны уйлатырын...
Карыйм, карыйм,
карап туймыйм
Кариев теат(ы)рын.
Кариев театры безне премьералары белән сөендерүен дәвам итә! Бүген «Ләйлә вә Мәҗнүн» спектакле күрсәтелде. Һәрвакыт яңалыкка омтылучы, кыю, креатив режиссер #РенатӘюпов бу юлы да сынатмады - мәхәббәт турында мәңгелек кыйсса заманча яңгырашта кабат әсир итте! Яшь актерлар уенына сокланып утырдык: якыннан аларның күзләренең очкынланып януы, искиткеч матурлыклары, ихласлыклары тагын да яхшырак күренә,алар белән бергә сулыш ала башлыйсың. Ә Мәҗнүн белән Ләйләнең монологлары!!! Бер тапкыр да төртелеп калмыйча, ялгышмыйча (күз тимәсен!), шулкадәр сәнгатьле,йөрәккә үтеп керерлек итеп, сокландыргыч матур, камил татар телендә яңгырады алар! Йолдыз белән Булатның рэп-дуэты да шәп!
«Без килгәнбез икән бу җиргә, калдырырга тиеш бер тылсым...»
Кариев театрында @teatr_g.karieva узган «Ләйлә вә Мәҗнүн»не тудыручылар ул тылсымны кылдылар. Ике вакытның , хис-кичерешләрнең пластика аша бирелүе, мәхәббәтне яңача (минем өчен) тасвирлау, тәмле-тәмле символлар куллану һәм музыка! Әлеге спектакльдә болар барысы бергә кушыла һәм медитацив халәткә кертә. Мин әле дә Ләйлә (Алсу Файзуллина) һәм Мәҗнүнне ( Илфат Гыйбадуллин) уйлап йөрим. Сәхнәдә һәр хәрәкәт, пышылдау, сүз, караш, кагылулар битараф калдыра торганнардан түгел.

Рэп өчен, хисләр, яшьләр өчен Булат Гатауллин һәм Наилә Кәримована рәхмәт! Әле озак әлеге җырны тыңлап йөрермен кебек:)

P.S. мин яшәргә әзер!!! Ә сез?
«Ты не Лейла, а он не Маджнун!»
Ә без? Без шулай ук Ләйлә-Мәҗнүннәр түгел бит! Бездә салкын акыл, тыныч холык, без сөюне ата-бабаларыбыз аңлаган кебек аңламыйбыз. Алар-башка, без-башка. Спектакль яшүсмерләр өчендер, дип уйлыйм. Аны караганда кайбер урыннарында үземнең 14 яшьлек чагымны күрдем. Кайбер кешеләр спектакльнең урысчалы-татарчалы булуын аңламады. Ә мин урыс сүзләрендәге ясалмалыкны һәм татар җөмләләрендәге хис байлыгын ишетеп, спектакльне үземчә тоемлап утырдым. Аннан соң рэп белән газәлне бер сәхнәдә ишеттергәннәре юк иде, бу да шәп, минемчә. Тотынган һәм булдырып чыккан #кариевтеатры, сокланам сезгә!

P.S.: Соңгы җырның аудиовариантын көтәм:)
Кичә кызым, улым белән балачагымда яратып укыган әсәрләремнең берсен - Гаяз Исхакыйның «Кәҗүл читеген» карарга Кариев тетрына бардык. Рәхәтләнеп карадым! Баланың психологиясен, гаиләдәге мөнәсәбәтләр, иман-әхлак төшенчәләре, Гает бәйрәменең хозурлыгы – барысын да Кариев актерлары искиткеч итеп тамашачы каршына чыгарып күрсәтә алдылар. Күз яшьләрсез булмады, әлбәттә. Афәрин, Кариев театры! Гашыйк иттегез. Репертуарыгызны карап чыгачакбыз! Тәмле коймак, җитмәсә, сөйкемле татар кызлары гает коймагы белән дә сыйладылар. Мичтән чыккан, кайнар коймаклар. Тәмле ... Тәме haман тел очымда. Фоат Галимуллин белән дә фикер алыштык. Ул әйтте : «Кечкенә генә хикәядән менә дигән кәнфит ясаганнар! Бик яратып карадым», –диде. Дусларым, балаларыгызга әхлак тәрбиясе бирәсегез килсә, эстетик канәгатьлек аласыгыз килсә, туры Кариевка!!!
«Г.Кариев исемендәге яшь тамашачы театрына барып кайттым әле Эльмирам белән! Шәп спектакль карадым! «Кәҗүл читек»! Афәрин Габдулла Кариев театры Миңа биик ошады! Афәрин режиссер Ренат Әюпов, Нәзифа апа Кәримова, композитор Миләүшә Хәйруллина, төп рольне башкаручы, әле яңа гына укып чыккан Ләйсән Закирова һәм, гомумән, бар артистлар һәм иҗади команда! Премьерагыз белән ихластан котлыйм сезне! Һәм бар тамашачыларга да үз балаларын, оныкларын шул спектакльгә алып барырга киңәш итәр идем! Аз гына булса да иман нуры артыр, чистарынырлар, пакъләнерләр һәм, гомумән, бик яхшы сабак, тәрбия алырлар! Бу шәхсән минем фикер!Тагын бер кат премьера белән!»
«Ут чәчәге» премьерасын карадыгызмы әле? Карамаганнарның шундук кәефен төшереп куйыйм әле - күпне югалткансыз. Барып, бушанып, тетрәп кайтасыгыз килсә - сезгә, һичшиксез, әлеге спектакльне карарга кирәк. Наркоманияне нигез итеп алган әсәр Американы ачмаса да, кешеара мөнәсәбәтләрдә шактый кирәкле-үтемле сөальләрне үзенә алган. Әни белән бала, хатын-кыз белән ир-ат арасындагы садә хисләр, яшьлекнең чиста булырга тиешлеге, акча түгел, кеше күңеле, җан хисенең өстенлеге кебек бервакытта да җуелмас кыйммәтләр булуына ишарә итә ул. Мәликә ‒ Рузанна Хәбибуллина, Миләүшә белән Гаяз ‒ Татарстанның атказанган артистлары: Гөлнара Абитова һәм Илнар Низамиевлар уенына карап, афәрин генә диярлек. Минем аһ итеп утырганым мелодрамадагы пластик биюләр булгандыр: анысы өчен Нурбәк Батуллага бишле куярлык. Режиссер Илфат Камалиевның эшен дә зурлап билгеләп үтәрлек ‒ минималь декорацияләр белән дә таулар күчереп буласын күрсәтә алды ул. Нәрсә бөтен нәрсәне сөйләп бетерәм ди әле мин сезгә? Биш тапкыр ишеткәнче, бер тапкыр үз күзең белән күрүгә җитәме соң инде...
Г.Кариев исемендәге яшь тамашачы театры артистларын әллә кайдан танып беләм. Чөнки алар авылыбызда спектакль куеп, минем күңелдә театрга карата мәхәббәт тәрбияләделәр. Ә тәрбия ул хуҗасына кире кайтырга тиеш. Шуңа күрә Казанга килгәч тә, мин биредә - алар янында. Ә 26 октябрь - аларның ПРЕМЬЕРА! З.Хөснияр иҗат иткән «Ут чәчәге» мелодрамасын Илфат Камалиев режиссерлыгында карадык. Яшүсмерләр генә карарга тиешле спектакль димәс идем, чөнки анда сүз гаиләдә балага җитмәгән игътибар, наз турында да бара. Театр яхшылыкка, нурга илтә димичә, тагын ни дип әйтәсең иңде, йә!?
Кыскасы, яраткан артистларым, яраткан Кариев театрым, барыгызны да котлыйм! Яратам! кочаклыйм!
Г.Кариев театры, 20 июнь ,"Галиябану" спектакле!!
Бер барып карагыз әле!!! Бик үзенчәлекле куелышта. Гомумән , мин бу спектакльнең премьерасын карагач та биииик ошатып кайткан идем!! Без гел күреп ияләнгәнчә түгел)) Бик яхшы тавышлы жырчы актерлар! Бик үзенчәлекле биюләр, костюмнар!
Аннан соң, алар бит әле күптән түгел генә Яңа биналы булдылар. Аны да куреп кайтырсыз)
Мин барам, ә сез??? )) Әйдәгез!