АЛМАЧУАР

"Алмачуар» — татар язучысы Галимҗан Ибраһимовның (1887-1938) безгә таныш хикәясенең театральләштерелгән куелышы. Крестьян малае һәм аның атының драматик тарихы 1922 елда басылып чыга һәм шундук укучылар мәхәббәтен яулый. Ә рус телле басмаларда ул "Чубарый" ("Алмачуар") исеме астында популярлык казана.

Барлык авыл малайлары кебек сигез яшьлек Закир да үзләрендә чабыш аты булуын тели һәм, әйтерсең лә аның үтенечен ишетеп, язмыш аның теләген тормышка ашыра – Закирлар гаиләсендә Алмачуар атлы гаҗәеп колын дөньяга килщ. Малай аны шулкадәр кайгырта, хәтта яңа туган дустыннан аерылмыйча, ат абзарында да кунып кала. Соңрак та чабышта катнаштыру өмете белән һәртөрле кыр эшләреннән саклый. Ниһаять, Алмачуарга җиңү китергән, көтеп алынган Сабантуй да җитә.