«Шайтан. Егет. Кыз»

Мәңгелек мәхәббәт һәм бәхетле озын гомер турында кемнәр генә хыялланмый икән? Ләкин күпвакыт бәхетле булыр өчен, кешегә авырлыклар аша узарга туры килә. «Шайтан һәм аның кызы» татар халык әкияте мәхәббәтнең явызлыкны җиңә алырдай тылсымлы көче турында.
Режиссёр Булат Гатауллин куелышында бу әкият этнографик материаллар кулланылышы һәм махсус язылган музыка ярдәмендә мавыктыргыч хоррорга әверелә. Борынгы мифологик сюжетларның заманча куелышы балаларда гына түгел, аларның әти-әниләрендә дә кызыксыну уятыр. Ә әби-бабайлар, бу әкиятне караганнан соң, үз балачакларында булган куркыныч вакыйгаларны исләренә төшерер. Сүз бирәбез, куркыныч... һәм мавыктыргыч булачак!