Җырлап яшик!

Малайны өйләндерәсе бар, хатын игәүли – барысына да акча кирәк. Әхәткә дә бик кирәк ул. Ә кайдан табарга? Интернеттан билгеле! Әнә бит – кешеләр җайлы гына, "компьютерда утырып" көрәп ала! Рәхәткә кызыккан Әхәт, үзе дә сизмәстән, Интернет уеннар дөньясына кереп чумганын сизми дә кала. Әмма акча эшлисе урынга булганын югалтканын сизми дә кала. Өйдәге кешенең Интернет дөньясында югалганын күргәч кенә хатыны шакката – булганның кадерен белмәгәннәр икән бит! Хәзер инде менә таралганны җыясы бар. Интернетка кереп утырган Әхәтне кире бу дөньяга кайтарырга кирәк. Әле бит шундый чакта, форсаттан файдаланып, кеше кайгысында акча эшләп калырга теләүчеләре дә җитәрлек. Әхәтне уеннан ничек чыгарырга, малайны ничек өйләндерергә?
Бар да акчага корылган заманда кеше гаилә, мәхәббәт кебек кыйммәтләрнең кадерен аңласын өчен нәрсә кирәк? "Җырлап яшик" спектакле шул хакта.