"Камыр батыр"

Гади генә бер татар авылында гади генә бер гаилә яши. Яшьләре инде олы булса да, улыбыз туса иде дип хыяллана карт белән карчык. Һәм менә – могҗиза! – камырдан уллары туа. Бу сәер балага Камыр-батыр дип исем кушалар. Ай үсәсен көн үсә һәм тиздән чын баһадир булып өлгерә Камыр. Тик менә бәла – башка балалар белән уйный башласа, аларны йә җәрәхәтли, йә имгәкли. Камырны авылдан чыгарып җибәрәләр...

Юлда аңа үзе кебек үк сәер батырлар белән очрашырга туры килә. Баксаң, Камыр кебекләр тагын бар икән! Ә ул арада урманда хәбәр тарала: шәфкатьсез хан кызы үзенә кияү сайлый, тирә-яктагы баһадирларны көч сынашыр өчен көтә, ди. Шулай итеп, безнең каһарманнар өчен хәтәр дә, әмма бик мавыктыргыч та маҗара башлана.

"Камыр батыр "
Иҗат төркеме:

Рәссам – Мария Лукка (Санкт-Петербург)

Хореограф – Алёна Смирницкая (Мәскәү)

Ут куючы рәссам – Нарек Туманян (Мәскәү)

Видеорәссам – Егор Зубарчук (Мәскәү)