26 Апрель / Якшәмбе / 11:00

Кариев театры үзенең иң нәни тамашачыларын һәм аларның әти-әниләре, әби-бабайларын тылсымлы дөньяга – Хәрефләр иленә чакыра. Ә кайда соң ул ил, диярсез. Кайда-кайда... Хәрефләр кайда була ала инде?! Билгеле, «Әлифба»да!
Тик менә бәла – без аларны торган саен азрак кулланганга үпкәләп, хәрефләр «Әлифба»ны ташлап качып киткән. Димәк, кичекмәстән, эзли чыгарга кирәк! Юкса бөтенләй адашып югалулары бар...

Режиссер: Лилия Әхмәҗанова
3+ / Пушкинская карта

26 Апрель / Якшәмбе / 17:00

«Без бит авыл малае» спектакле бүгенге көннең иң актуаль проблемаларының берсе ‒ татар авыллары бетү мәсьәләсен күтәрә. Төп сюжет вакыйгалары юкка чыгу куркынычы астында калган авыл тирәсендә бара. Гаилә башлыгы Иртуган Иштуганов туган авылын саклап калу теләге белән яна, балаларында да туган нигезгә карата мәхәббәт хисләре тәрбияли. Иштугановлар нәселен дәвам итү һәм авылны үстерү өчен, улларының авылда төпләнүен тели әти кеше. Шушы изге ниятне тормышка ашырыр өчен, спектакль геройлары көтелмәгән адымга бара ‒ кыз урлыйлар! Ләкин кыз да югалып калганнардан түгел...

Режиссер: Ренат Әюпов
12+ / Пушкинская карта

28 Апрель / Сишәмбе/ 13:00

"Сәлам, Актәпи!" – шартлылык традицияләрендә кечкенә форматта куелган спектакль. Төп һәм эпизодик геройлар урынына сәхнәдә тамашачыларга балачак истәлекләрен бәян итүче берничә персонаж катнаша. Аларның барысының да хыялы бер – ЭТ алу. Ул тормышка ашармы?

Режиссер: Александра Сальникова
6+ / Пушкинская карта

28 Апрель / Сишәмбе / 18:30

Барыбызга да үзебез өчен мөһим мәсьәләләрне хәл итә, киләчәк юл өчен ориентирлар сайлый торган минутлар хас. Бу чакта төрле сораулар туа:
⁃ Ялгызлыкта булу – ничек ул?
⁃ Курку мәңгелекме?
⁃ Ярату нәрсәне аңлата?
Спектакльнең нигезенә башкаручының шәхси тарихы һәм заманча бию теле салынган. Ул вакыйгаларның алдан фаразланмаган борылышлары белән тормыш турында.

14+/ Пушкинская карта