Фотокүргәзмә
Кариев театрының юбилей тамашасы
Юбилейның бәйрәм кичәсе – театрның туган көнендә – 22нче декабрьдә үтте. Г.Кариев исемендәге Казан Татар дәүләт яшь тамашы театры 30 еллык юбилеен билгеләде. Театрны юбилее белән Татарстан республикасының беренче Президенты Минитимер Шаймиев, РФ Театр эшлеклеләре берлеге рәисе Александр Калягин, Татарстан һәм Башкортстан театраль коллегалар котлады.

Юбилей кичәсе театр тарихына багышланган видеодан башланды, соңрак сәхнәгә алкышлар астына бер стильдә киенгән артистлар чыкты. Кичәнең кунаклары өчен Кариевлылар Йолдыз Миңнуллина әзерләгән "Без шундый театр төзербез" тамашасын тәкъдим итте. Тамаша – "Алмачуар", "Сок-Сок", "Супер Кияү", "Кәҗүл читек", "Куян Эдвардның гаҗәеп сәяхәте", һ.б. башка тамашачы мәхәббәт яулаган спектакльләрнең миксы булды.
"Зөһрә" курчак спектакле
«Борын-борын заманда кешеләр төнге күккә күз ташлап, анда Айның өстен күрергә омтылганнар. Аларның берсе көянтәле кыз сурәтен хәтерләткән. Аңа карап күпләрдә: "бу кыз Айга ничек итеп эләкте икән?" дигән сорау туган:


Әкияти спектакль «Зөһрә" әнә шулай башлана, аның нигезендә – "Ай кызы Зөһрә" китабының сюжеты ята. Әлеге спектакль 2018 елның октябрендә "Мәскәү" Мәдәният үзәгендә күрсәтелеп, Кариев театры тарафыннан сайлап алына һәм театрның декабрь репертуарына кертелә.

"Калеб. Яңа дулкын театры" проекты эскизларын күрсәтү
2018 елның декабрендә «TAT CULT LAB/театр» проекты эскизлары күрсәтелде. Эшләрне демонстрацияләү "Калеб" яшьләр проекты кысаларында тормышка ашырылды.

Алдан күрсәтелгән эскизлар арасыннан (ә алар агымдагы елның октябрендә "Мәскәү" Мәдәният үзәгендә күрсәтелгән иде), театр җитәкчелеге тарафыннан өч претендент сайлап алынган иде, аларның проектлары Яшь тамашачы театры сәхнәсендә тормышка ашырылачак.

Алдан сайлап алынган билингваль уен спектакле «Зөһрә» инде театр репертуарына кертелде.

Түбәндәге спектакль эскизларының проектлары күрсәтелде:

"Киләчәк теле". Режиссер: Алмаз Садриев.
Эскизның сюжеты балаларның ничек итеп туган телне өйрәнүләре турында бәян итә. Эскизны төзүчеләр милли телгә заманча яңгыраш (образ) бирергә тырышканнар (1+)

«Зөһрә» Режиссер: Ксения Шачнева.
Бу балалар өчен билигнгваль куелыш, ә формасын шагыйрә Йолдыз Миңнуллина тәкъдим иткән. Текст татар телендә яңгырый, ә визуаль образлар һәр балага аңлаешлы булачак. Шул рәвешле балалар татар телен уен формасында өйрәнүгә кушылачак. (5+)

«Таң». Режиссер: Нурбәк Батулла
Эскизның нигезендә – Сәгыйть Рәмиевнең "Таң алдыннан" шигыре. Анда ХХ гасыр башы шагыйре татар халкының проблемалары турында фикер йөртә. Без нигә йоклыйбыз, кайчан уянырбыз, нигә Шагыйрьдән башка беркем дә халыкның наданлыгын аңламый? Чыгу юлы кайда? Кариев театры артистлары тамашачыларга шагыйрьнең усал кисәтүен тәкъдим итәчәк.
31нче театр сезоны ачылу
Сезон ачылу тантанасына 300 гә якын кеше килде. Алар арасында Камал театрының баш режиссеры Фәрит Бикчәнтәев, Казан яшь тамашачы театрының баш режиссеры Туфан Имаметдинов һәм театр директоры Айгөл Горнышева, Казан музыка училищесы директоры Айрат Җаббаров, "Әкият" курчак театры директоры Роза Яппарова, Түбән Кама драма театрының сәнгать җитәкчесе Рөстәм Галиев һәм башкалар бар иде.


Театр каршында тамашачыларны хореограф Нурбәк Батулла гадәти булмаган перформанс белән каршы алды. Анда театр училищесы студентлары катнашты. Ә аннары "Калеб. Яңа дулкын" проекты шагыйрьләре шигырьләр укыдылар. Ачылу тантанасында шулай ук Болак буе театры оркестры солистлары чыгыш ясады.


Кариев театры тарихында беренче тапкыр без яраткан әкияти геройлар белән витриналар терелде. Кунакларны тамашага костюмнар кигән актерлар озатты. Театрның баш режиссеры Ренат Әюпов һәм директор Гүзәл Сәгыйтова коллективны бәйрәм белән котлап, иҗади уңышлар теләделәр.